1891. Cousas d´a aldea. Aureliano Pereira.

ANTROIDADA (1)



     Rapaciña, si quixeres
sacares mozo d' a festa,
vai poñendo as castañolas
ou non deixel-a pandeira.
     Pro cuida, nena garrida,
de mirar en quen escolles,
qu' às veces métese o demo
drento d' o coiro d' un home.

     Baila, nena, c' os mozos d' a vila
ou con quen ó tiveres decote,
e repara qu' en tempo d' antroido
and' o rabo d' o cocho n' o pote.
     Vide, nenas, vide, nenas,
oíl-o touporroutou,
vide, nenas, vide, nenas,
qu' o gaiteiro xa chegóu.

1.Puesta en música para el Orfeón Gallego, por el Maestro Montes.

PEREIRA, AURELIANO
Cousas d´a aldea
A. Coruña, 1891